اهلا بيكم في سلسلة حلقات طرق واساليب التجسس او الاختراق على الهواتف المحموله والحماية منها
في البداية لازم حضرتك يكون لديك بعض الوعي لخطر عملية الاختراق او التجسس على هاتفك وكمان لازم تتعلم ولو قليل عن كيفية الحماية من التجسس او الاختراق ... وده بسبب ان الهواتف اصبحت تحتوي على كل شىء يخص حياتنا ... وبرامج التجسس النهارده ما بقاش في اسهل منها ..
ولكن في بعض الاسئلة التي يجب ان تضعها فى عين الاعتبار عشان -انت- الي تحدد مدى امكانية اختراق هاتفك او التجسس عليه وبأي وسيلة سيتم اختراقه :-
اولا ايه هي طبيعة عملك؟ بعدين هل انت شخص مهم يمكن ان تكون محط انظار كي يتم اختراق هاتفك ويتم استغلال بياناتك ؟
هل عند حضرتك فكره ان برامج التجسس موجوده فى كل مكان ومنها المجاني والمدفوع لدرجة ان اصبح العامه بيستخدموها لتتجسس على الاخرين واحيانا على اصدقائهم ويبتزونهم مقابل عدم التشهير بهم ....السؤال هل هاتفك آمن من تلك البرامج ؟
طبعا الموضوع كبير وخطير ومهم وعشان كده حيكون لينا حلقات كتيرة بتخص المجال ده لان كل يوم في جديد وكل يوم بيكون في اساليب سواء للتجسس او للحماية منها ....
ودلوقتي تعالى نعرف يعني ايه التجسس او الاختراق وكيف بيتم ... وبعد كده حنتكلم عن كيفية حماية الهواتف منه ....
التجسس :هو عملية اختراق للهواتف المحموله للسيطرة على تلك الاجهزة ورصد المواقع التي تم زيارتها والحصول على العديد من المعلومات والبيانات وهذا دون علم صاحبه عن طريق تثبيت برامج خبيثة او اعتراض الاتصالات باستخدام الثغرات الموجودة في انظمة الاتصالات ..
انواع التجسس على الهواتف المحموله :- قمنا بتقسيم التجسس الى نوعين
- أولا التجسس على المكالمات الهاتفية والرسائل القصيرة على الاجهزة العادية او الحديثه :-
وهذا النوع للناس الى بتعتقد انها لما تستخدم اجهزة عادية وقديمه مفيهاش انتيرنت ممكن انه كده يكون محمي من خطر التجسس او الاختراق .. وللاسف انه الاعتقاد ده خاطئ
وحتى لا اعقد لك الامور بمصطلحات علمية غير مفهومه للكثير من البعض ، بإختصار عملية الاختراق في هذا النوع بتم من خلال الدخول عبر ثغرات فى بروتوكول اسمه (SS7) ايه هو البرتكول ده وكيف بيشتغل ده مش موضوعنا ... ولكن ببساطه هو عبارة عن مجموعة من البروتوكولات التي بتستخدمها شركات الاتصالات المحموله فى تبادل البيانات او الاتصالات الى تخرج من هاتفك الى برج شركة الاتصالات ثم من برج شركة الاتصالات الى مقر الشركة نفسها وتتم عمليةالاختراق او التجسس عن طريق اجهزة معينه تقوم باستغلال بعض الثغرات الموجوده فى البروتوكول ده الى اسمه اس اس سيفين وبعد كده يمكن من خلال تلك الاجهزة التحكم وتسجيل اي شئ يخرج او يدخل الى هاتفك . وللامانه في بعض تلك الثغرات حاليا تم معالجتها ولكن مازال يوجد ثغرات تانيه بيستخدمها المخترقين الى الان.
وطبعا الاجهزه الي بتستخدم فى النوع ده غالية جدا وفي الغالب الى بيشتريها وبيستخدمها أجهزة الاستخبارات والاجهزة الامنية .... ومن تلك الاجهزة ما تشاهدونه الان والغريب انه بيتم الترويج للاجهزة دى على الانترنت عادي جدا والشركة المصنعه بتقول انها بتبيع تلك الاجهزة فقط لأجهزة الاستخبارات واجهزة الامن ، ولكن في بعض المواقع الاخبارية قالت ان هذا الكلام مش صحيح وان الشركة ممكن تبيع الاجهزة دي لاي حد وفي مواقع اتكلمت في الموضوع ده وقالت ان اي حد ممكن يشتريها وحتلاقي روابط المواقع دي فى الوصف اسفل الفيديو ....
الاجهزه دي في منها انواع تانيه كتير وفي منها الى ممكن يتركب في طيارة درون مثلا ويتم التحكم فيه من بعيد .... طبعا الكلام ده مش اي حد ممكن يقوم بيه يعني لازم يكون شخص فاهم كويس جدا فى كيفية التعامل مع الاجهزة دي ويكون فاهم كويس في الاتصالات ......
بعد كده كل الي محتاجه انه يكون عارف مكان بيتك فين ويروح جمبه ويقعد في سيارته ويشغل الاجهزة مع اللابتوب بتاعه او ممكن انه يحط الجهاز ده فى درون او طائرة بدون طيار وهو قاعد في بيته ويبدأ عملية الاختراق والتجسس على موبيلك عن طريق انه بيخدع موبيلك انه هو برج الشبكه زي ما قلت وموبيلك يشبك عليه والعملية بتسمى (الرجل فى المنتصف أو Man in the Middle ) وبس يا سيدي اي شىء بيتم من خلال موبيلك لازم يمر عليه وطبعا كل ده بدون حضرتك او حتى شركة الاتصالات ما تعرفوا ولا تحسوا بحاجه
النوع التاني وهو الاكثر انتشارا الا وهو التجسس على كل شئ من مكالمات وبيانات الهاتف او الاجهزة الحديثه مثل (اجهزة الاندرويد والايفون أو حتى الكمبيوتر):-
هذا الامر بيتم عن طريق برامج او تطبيقات متاحه على الانتيرنت عادي جدا ويمكن شرائها او حتى قد تكون مجانية على بعض المواقع الاخرى....
=====
الموقع ده عنده تطبيق للتجسس ويستطيع اى شخص ان يقوم بشراءه وبيتم الترويج له على انه لمراقبة الابناء أو الموظفين الذين يعملون فى شركتك ...
ومش محتاج اقولك بيعمل ايه التطبيق ده لو حد استخدمه ؟؟؟
كل الى اقدر اقولهولك ان من خلال التطبيق ده ممكن انك تتحكم فى موبيل الضحية وكأنه في ايدك بل زيد على كده انك ممكن تحصل على تسجيل كل مكالماته سواء التى تمت من خلال الخط (الشبكه) او حتى مكالمات الانتيرنت مثل الواتس اب او الفيس بوك او اي تطبيق اخر يتم استخدامه فى الاتصالات ....
مش كده وبس انت كمان ممكن تفتح الميكرفون وتسمع كل الي بيدور فى المكان الي بتتواجد فيه الضحية ، وكمان الكاميرا نفس الشىء تقدر انك تقوم بفتحها والتسجل من خلالها بتقنية بتسمى تقنية Rem Cam كل ده وبدون ما يشعر صاحب الهاتف ان الهاتف بتاعه مخترق .
ده طبعا بالاضافه الى انك تقدر تعرف موقع الضحية ، بمعنى رصد كل تحركاته واماكن التواجد بالضبط وازيدك من الشعر انك تستطيع ان تصنع له منطقه محدده واذا خرج منها يقوم التطبيق بإرسال تنبيه انه خرج من تلك المنطقه التي قمت بتحديدها .
كل ده وأكثر وكمان تقدر انك تتحكم فى هاتف الضحيه وتقوم بالاتصال من خلاله وارسال رسائل دون ان يشعر هو او هي وكأنك صاحب الهاتف وهذه فى حد ذاته كارثة كبيرة ..
بإختصار
هذا التطبيق وغيره ممكن ان يتم تنزيله على الهواتف ومن ثم تثبيته سواء عن طريق مباشر او غير مباشر
@ مباشر ( انه مثلا يكون اخد منك هاتفك وقام بتنزيله ثم تثبيته مباشرة مثل مراكز صيانة الهواتف – وطبعا انا لا اعمم ولكن الحذر مطلوب -او أن أحد أصدقائك طلب منك هاتفك بحجة عمل مكالمه او اي شىء اخر)
@ اوعن طريق غير مباشر ( انه يقوم بأرسال رابط لمقطع فيديو او تطبيق أو حتى لعبه ... انت ممكن تتصور انها عادية ومجرد انك تقوم بتنزيلها ثم تثبيتها عندك بيقوم تطبيق التجسس هو كمان بدوره لان التطبيق او اللعبه بيكون متوصل بسيرفيرات برنامج التجسس .
لا والمصيبه ان الشركه بتقولك لو انت مش حتقدر تتحصل على هاتف الضحيه وتقوم بتثبيت البرنامج عليه ... مش مشكله الشركه الي بتشتري منها التطبيق ممكن تقوم بارسال اي شئ مما سبق ذكره الى هاتف الضحية نظير مبلغ زياده .... انت متصور ) .
المصيبه ان حتى برامج الانتي فيروس العادية قد لا تستطيع ان تكتشف مثل تلك التطبيقات ولا حتى انت تشعر بأن هناك اي شىء تغير في الموبيل .
طيب والحل.... وازاي نحمي هواتفنا من كل تلك التطبيقات وهل في حماية 100%
مبدئيا مفيش حاجه اسمها حمايه 100% سواء على الاجهزة الحديثه او حتى الاجهزة القديمه مثل الهواتف المحموله القديمه مثل نوكيا 3310 و 6110 وغيرها ... وهذه سيكون لها حلقه مستقله فى المتقبل ان شاء الله
ليست هناك تعليقات:
إرسال تعليق
اضف تعليق